Zafernâme-t Meşrutîyyet

Bârekallah bu gidiş ayni selamet gibidir,Bu tedâbir-i hikem, bâis-i nusret gibidir,Sinede hubb-ı vatan nur-ı saadet gibidir,Lutf-ı Hak'la vatanın her yeri cennet gibidir.Bilmeyenler bunu timsal-i cehalet gibidir.

Mantık olmazsa da ef’al-i kıyasîmizde,Akl u hikmet dolu Kanun-ı Esasimizde,Çakıyor berk-ı zafer tığ-ı hamasîmizde,On sene oldu ki âfâk-ı siyâsîmizde16Bu kopan fırtınalar hayra alâmet gibidir.

Doğruyu söyleme, vallahi kelepçe dilineVurulur yoksa gidersin yine gurbet eline,Sen kulak asma sakın Avrupa’nın çengeline,Sıçarız diplomatın lihyesinin bam teline,Bizde erbab-ı deha Âmme’de temmet17 gibidir.

Hak yolunda yazık oldu çekilen çilelere,Enseye doğru yol açtı bu yaman sillelere,Çeşm-i ibret ile bak darbelere, hamlelere,Çekmiş olsak da yekûn böyle kara cümlelere,Bu hesaptan payımız hâric-i kısmet gibidir.

Toplanır haftada üç kerre güruh-ı Vükelâ,Sakın Ashâb-ı Kehef sanma uyurlarsa daha,Kimi Memûş u Debernûş, kimisi Yemlîha,18İşte bunlar ile bâ izn-i Cenab-ı MevlâBâb-ı Âli koca bir dâr-ı siyaset gibidir.

Verdiler bezm-i ezelden bize tığ-ı zaferi,Emr-i Hak'la açarız semt-i aduya seferi,Kâfirin kahiridir ordumuzun her neferi,Bu ne dehşet ki donanmaya verip zib ü feri,Çıkmamız Marmara'ya Kutb’a seyyahat gibidir.

Müteveccih vatana lutf-ı Cenab-ı Feyyaz,Sû-be-sü mülkümüzün her yanı gülzâr-ı riyâz,Ne kadar var ise sattık gemi, kışla, enkaz,Yaşasın ordu, hamiyyet, yaşasın istikraz,Altı, üstü vatanın menba-ı servet gibidir.

Fi’l-i mazideki gaib er ile müftehiriz.Her yükün altına girmiş hüveyiz müstetiriz.Düşmeni hamle-i ûlâda urup titretiriz,Âvn-ı Bârî ile her şeye bugün muktediriz,Hâlimiz herkes için câlib-i ibret gibidir.

Düşeli vech-i edânî gibi hırsa hevese,Bende olduk hepimiz mürtekibe, muhteiise,Devr-i sabık gibi işte yine girdik kafese,O Selanik ki eğer Kâbe-i hürriyyet ise,Emr-i Tevrât ile mescitte ibadet gibidir.

Ey bana pend ü nasihat veren ehl-i himmet,Sözüme kızma sakın çünkü bu bence müsbet,Beynimizde bulunan farka edersen dikkat,Bize nisbet ile... Âbide-i Hürriyyet,Size nisbetle kenef Bâb-ı Meşihat gibidir.