Dîvân-ı İlâhîyât 170

Geliniz Hâlik'ı zikr eyleyelimEl-hamdü li'llâh e'ş-sükrü li'llâhLutf u ihsânına şükreyleyelimEl-hamdü li'llâh eş-sükrü li'llâh

O sultândır eden kulların irşâdMen lem yehdi'llâhu mâlehu min hâdGönül kasrın ede lutf ile âbâdEl-hamdü li'llâh eş-sükrü li'llâh

Şu dem ki lutf ere dest-i kudretdenDili îkâz eder nevm-i gafletdenAlır nûr-ı ziyâ şems-i vahdetdenEl-hamdü li'llâh eş-sükrü li'llâh

Hak gibi maksad-ı aksâ olur muVuslat gibi zevk-i a'lâ olur muBöyle bir ni'met-i uzmâ olur muEl-Hamdü li'llâh eş-şükrü li'llâh

Hüdâyî kim bula esrâr-ı tevhîdOlur ol bülbül-i gülzâr-ı tevhîdVerir câna safâ envâr-ı tevhîdEl-Hamdü li'llâh eş-şükrü li'llâh