Dîvân-ı İlâhîyât 152

Kula lâyık olan ibâdet imişHizmet-i Hak aceb sa'âdet imişHâlet-i aşk özge halet imişCümleye asl olan inâyet imiş

Enbiyânın şefâ'ati ne güzelKâmilin hüsn-i himmeti ne güzelKula Hakk'ın inâyeti ne güzelCümlenin başı bir inâyet imiş

Hak yolunda çalış kusûr etmeNefs için kalbi bî-huzûr etmeSakın a'mâline gurûr etmeCümlenin başı bir inâyet imiş

Zikr ü tevhîd eğer karînin olaUmulur ki Hudâ mu'înin olaBu kelâma beğim yakînin olaCümlenin başı bir inâyet imiş

Tîh-i hayretde kalma ey gâfilRûz ü şeb sa'y et olmağa kâmilCân ile dinle bu sözü Hak bilCümleye asl olan inâyet imiş

İste nakkâşı nakşa aldanmaKuru sûretle iş biter sanmaCehl ile nâr-ı gaflete yanmaCümlenin başı bir inâyet imiş

Hem-demi olsa tâlibin tevhîdOlısardır iki cihânda sa'îdİşidirsen eğer kelâm-ı müfîdCümlenin başı bir inâyet imiş

Olıcak sâlike inâyet-i HakTîz olurmuş o vâsıl-ı mutlakMa'rifet mektebinden oku sebakCümlenin başı bir inâyet imiş

Bulagör ey Hüdâyî Mevlâ'yıGeç sivâdan ko gayrı sevdâyıDinle iz'ân edin bu ma'nâyıCümlenin başı bir inâyet imiş