Cihânun Şimdi Âhum Bâd-pâ Reh-vâr Ulagıdur

Cihânun şimdi âhum bâd-pâ reh-vâr ulagıdurBiri şark u biri garb ana menzil at konagıdur

Çeküp ebrûsına vesme varakdan zer nişân itmişO şemşîrün birisi cevheridür biri zâgıdur

Seg-i ger-gîtiyem kehf-i fenâ erbâbınun ben kimYanında kâse-i tâc-i Keyâni it yalagıdur4 Enine uzınına boyamışdur diyü deryâyıSirişküm n’ola gâfil çaglar ise şimdi çagıdur

Keser geh tîg-i gam benden yıkar geh hecr-i seylâbıBenüm gönlüm muhabbet âsiyâbınun suvagıdur

Şeb-i hicrân irüp ‘Âşık fenâ der-bendine gitseYanınca şu’le-i âhı bile yalun yaragıdur