Her Gönül Kim Ola Rûşen Ana Sırr-ı Ceberût

Her gönül kim ola rûşen aña sırr-ı CeberûtGelmeye gözine anuñ âlem-i milk-i melekût

Vasf-ı lâhût-ıla it niçe olasın mevsûfTâ ki mahv olmaya senden bu sıfât-ı nâsût

Benligi terk id ü gayre nazar eyleme kimHakk olan yirde gerekmez ki ola hergiz tâgût

Var-iken milk-i bekâ niçe idesin bâzîÜşbu nat c üzre toptolu-durur mât-ı yemût

Gelür elden ki iresin cehd-ile bir menzile kimKala ayahlaruñ altında Hamelden tâ Hût

Hayf olmaya mı pes kim idesin ömri telefElüñe girmege biñ derd-ile bir lokma-i kût

Ahmedî taht-ı hilâfetde ol ola DâvudKi öldüre nefsini kim ol-durur aña Câlût