Hak Nûrın İder Yüzi Nazar Ehline Tavzîh

Hak nûrın ider yüzi nazar ehline tavzîhCân sırrın ider dudagı âşıklara telvîh

Vaslı hevesidür ki göñülleri ider şâdZülfi nefesidür ki virür cânlara tervîh

Sırrumı dilerem ki nihân kala velîkinBu gözlerümüñ kan yaşı ider anı tasrîh

Zühre oldı serâ-perdeñe hoş-perde-sirâkimSinüñ yüzüñi eyledi ay u güne tercîh

Anuñ Hakı-y-ıçun ki yir ü gögi yaratdıYir ehli-y-içün düzdi bu göklerde mesâbîh

Hıfzı-durur anuñ kamusı halka nigeh-bânİlmi-durur anuñ kamusı gayba mefâtîh

Kim Ahmedî irte gice itdi vü idiserZikrüñ-ile şükrüñi dil ü cânına tesbîh