Çün Süñügüm Çüriyiben Gerd Ola

Çün süñügüm çüriyiben gerd olaIşkuñ odından içümde derd ola

Ben yoluñda varlıgumı virmişemHer ki âşıkdur gerek cömerd ola

Derdüni aldum virüben cân bahâHer ki derdi yoh anuñ na-merd ola

Her ki âşıkdur gerek bencileyinBaşları gül-gûn u yüzi zerd ola

Çün fenâdur ışk pes âşık gerekKamu varlıgdan ki vardur ferd ola

Âşık ol kim oda yahsa anı habîbOd anuñ cânına bâg u verd ola

Ahmedî terk eyle yâra cânı kimIşk u cân sevmek be-gâyet serd ola