Bu Nice Sûretü Ne Şeklü Ne Şemâyildür

Bu nice sûret ü ne şekl ü ne şemâyildürKi ışkına yir ü gök zerre zerre mayildür

Felekde ay-ıla gün yir yüzinde ins-ile cinAnuñ cemâlı kemâline cümle kâyildür

İderse gözleri Hârût sihrini ne acebAnuñ ki sîm-i zenahdanı çâh-ı Bâbildür

Ne bûy u rengi var-ısa gülüñ virildi yileYüzin sandugı-çun yüzüñe mukabildür

Benefşeyi sacuñ añdugı ider zübân-be-kafâKadersüzüñ getüren başına kazâ dildür

Nite ki cân hevesi-le cünûna düşdi bu aklGöreli zülfiñi kim anberîn-selâsildür

Nice ki şeb-nemi gün bu vücûdumı mahv itKi aramuzda bu-durur hemînki hâyildür

Bu derdüme lebüñ emdür ü dahı dürlü devâEgerçi âb-ı hayât-ısa zehri kâtildür

Yüzüñ çirâgını Hak rûşen eylesün kim anunKemâli sunına rûşen-terîn delâyildür

Nazar kıl iy leb-i yâkût gör ki şâh-ı şecerNe dürlü gûher ü mercân u lale hâmildür

Sun anı kim anuñ-ıla gider anâdildenBugün ki bag tolu nagme-i anâdildür

Bugün ki fursatı varnûş it mey-i gül-gûnKi yarına komaya işini her ki âkıldur

Girü bulam diyü bu fursatı viren eldenBu çarh hâlini bilmez ne çâre gâfildür

Bu ömri ney bigi virme yile anı hoş dutKi vaktı geçmese hoş-ömrden ne hâsıldur

Bugün Irâk u Sıfâhân’da Ahmedî sözineCevâb var-ısa lillâhi derrü kâyildür