Na't-ı Şerîf Der Hakk-ı Peygamber 'aleyhi's-selâm

Dil-i dîvâne olmaz bir nefes hâlî temennâdanKi mest-i câm-ı nâz u ‘işvedür bir mâh-sîmâdanKemîn-i sad-cihân nâz u tegâfül gûşe-i çeşmiNigâh-ı rahmet-engîzi leb-â-leb remz ü îmâdanNe hüsn-i şûhdur ol şem‘-i bezm-ârâda hayrânamKi geh mescidden eyler cilve vü gâhî kilîsâdanDegül şebnem kadar tâb-âver-i mihr-i ruhun hurşîdNiçe hayrân-ı vaslun seyr-i çeşm olsun temâşâdanDegüldür tavk-ı kumrî hasret-i reftâr-ı kaddünleZuhûr itmiş nühüfte dâglardur serv-i ra‘nâdanHoşâ feyz-i nesîm-i gülşen-i bâg-ı mahabbet kimNevâ-yı zâgi yegdür ‘andelîb-i nagme-pîrâdanPür idi hûn-ı dilden lâleveş peymâne-i dâgumDahı câm u surâhî olmadın leb-rîz sahbâdanDimâgum gül gibi âşüfte-efkâr-ı perîşândanSerüm ser-geşteterdür gird-bâd-ı deşt-peymâdanHum-ı eflâkdan nûş itdügüm sâfî cünûndur hepSirişte olmuşam gûyâ ezelde dürd-i sahbâdanZihî bezm-i mahabbet neşve-i sahbâ-yı bî-‘illetKi ser-mestânı hep âzâdelerdür fikr-i ferdâdanZihî sâkî ki lutfı neş’e-yâb itseydi rindânıGelürdi rûh-ı Hâfız teşne-leb hâk-i musallâdanŞefî‘-i rûz-ı mahşer Ahmed-i mürsel emîn-i vahyKi oldur Muhbir-i sâdık nihân u âşikârâdanEnîs-i bezm-i Hak tenhâ-nişîn-i kurb “ev ednâ”Ki oldı pâye-i mi‘râcı ‘âlî ‘arş-ı a‘lâdanGarîk-i bahr-ı lutfı çeşme-i hayvâna nâz eylerKi ceyb-i her habâbı pürdür enfâs-ı MesîhâdanDüşeydi sâye-i kûh-ı vakârı Tûr-ı SînâyaHam olmazdı kad-ı her zerresi bâr-ı tecellâdanO denlü hükm-i şer‘inden cihân sâhib-vera‘dur kim‘Utârid Zühreye tesbîh ider ‘ıkd-ı SüreyyâdanEger tecrîd olaydı mu‘teber yanında ‘ÎsâveşÇıkardı sûret-i ecsâm terkîb-i heyûlâdanNesîm-i la‘l-i nûşîni vezân olsaydı deryâyaGiderdi haşre dek telhi mezâk-ı âb-ı deryâdanŞeb u rûz olmasaydı devr-i gerdûn gird-i kûyındaOlurdı tîreter hurşîd u meh kandîl-i tersâdanSezâdur olsa ferşi âstânun dîde-i CibrîlKi kûh-i Kâfa yigrek nergis olmaz çeşm-i ‘ankâdanZamîr-i rûşeni zulmet-zidây-ı ‘âlem olsaydıZiyâ kesbin iderdi dîde-i hurşîd a‘mâdanFenâ-yı hasmı sârî öyle tab‘-ı lafz ü ma‘nâdanKi isbâtında lâ meftûm olur mazmûn-ı illâdanZuhûr-ı çâr-yârı çâr güldür bâg-ı ‘âlemdeKi reng ü bû vü berg ü bârı birdür lutf-ı MevlâdanEbû Bekr ol şeh-i fermân-revâ-yı ‘âlem-i tasdîkKi subh-ı sıdkı mahv itdi sevâd-ı kizbi dünyâdan‘Ömerdür kim miyân-ı hakk u bâtıl farkı zâhirdürAnunçün ismi mahsûs oldı Fârûk ile esmâdanDahı ‘Osmân-ı Zî’n-nûreyn ser-hayl-i şehîdândurKi hûnı la‘l ü yâkût oldı çıkdı seng-i hârâdan‘Alîdür ol ki cevher yerine şemşîr-i kahrındaKazâ menşûr-ı feth itdi rakam “innâ fetahnâ”danRisâlet-destgâhâ bende Âgâh-ı dil-efgârunKemîne çâkeründür belki ednâter her ednâdanHasûd-ı kîne-cû bî-mihr ü düşmen kevkeb-i tâli‘Zamâne hasm-ı erbâb-ı ma‘ârif zîr ü bâlâdanVelî olmaz mükedder sâf-dil gerd-i melâmetleNe gam âyîne-i hurşîde seng-i ta‘n-ı a‘dâdanVefâdan öyle mahzûnam ki ‘âşık hicr-i dilberdenCefâdan öyle mesrûram ki a‘mâ çeşm-i bînâdanHeves hˇ âhiş-ker-i sehv ü hatâ bâzâr-ı gafletdeGönül âbisten-i sad-gussa tab‘-ı ma‘siyet-zâdanHuzûr-ı ‘izzete dest-i tehî geldümse ma‘zûramDer-i şâha ne lâyıkdur gedâ-yı bî-ser ü pâdanHevâ-yı mihr-i ruhsârunla geldüm gülşen-i dehreN’ola şebnem gibi lutfunla gitsem pâk dünyâdanNe denlü ümmetün olsa siyeh-rû cürm ü ‘isyândanYem-i lutfun yine sâfîter eyler dürr-i yektâdanHemîşe tâ hadîd-i evciledür nâle-i ‘uşşâkOla fevc-i melâ’ik na‘t-hˇ ânun ‘arş-ı a‘lâdan